تغييب عن الساحة منذ ايام المجلس العسكرى , ولم نعد نسمع صوت اللواء ممدوح شاهين ابو طله بهية , ولا اللواء الى ميتسمى حبيب يسرى فى نفس الوقت الذى اختفى فيه صبحى صالح من الدنيا
اتوقع مكالمة الهاتف كانت هكذا
مكالمة 1
ممدوح شاهين : الو , مين معايا
المشير : انا الريس يا حيوان
ممدوح : المشير , تمام يا فندم
المشير : خف شوية يا ممدوح , اهدئ اليومين دول وبلاش شو كتير , عشان كل ما بتفتح بوقك الدنيا بتهيج علينا اكتر , كلامك بيستفز العيال بتوع تويتر والفيس بوك دول
ممدوح : يا ريس انا بنفذ تعليماتك اننا نتفاعل مع الناس ونحسس الناس اننا جنبهم وحبايبهم وكدا عشان نلف عليهم وناخدهم فى عبنا
المشير : طب اعمل يا ممدوح انت بتستفز العيال المعفصين دول
ممدوح : طب ما اديك قولت يا ريس معفصين
المشير : بس زياطين يا ممدوح بيتلموا بطريقة غريبة ويقلبوا الدنيا فى ساعتين , خف يا ممدوح , دة امر , ومش انت لوحدك انا كمان بلغت باتمان والى ميتسمى انهم يبعدوا عن الصحافة والاعلام اليومين دول , خلينا نشتغل فى هدوء
ممدوح : تمام يا فندم
مكالمة 2
صبحى صالح : السلام عليكم ورحمة الله وبركاته , مين معايا
المرشد : انا المرشد يا روح امك
صالح : اؤمر يا كبير
المرشد : اية الخرا الى حصل فى العاشرة مساءً دى , ينفع الهلس الى بتعمله دة , وتسيب واحد زى خالد صالح يعمل فيك كدا , خف يا فلوطة وابعد عن التلفزيون والصحافة اليومين دول , الناس بتسمع اسمك وتنزل شتيمة فى الاخوان وابو الاخوان , خف ها ؟
صالح : بس يا سيادة المرشد المبجل حفظك الله لنا الى الابد – دى تعاليم البنا والخطيب وسيد قطب , انا مش بجيب كلام من عندى فضيلتك
المرشد فى غضب : انت هتعلمنى يا فلوطة يا فسل , منا عارف انها تعاليمهم , بس اتقل على الرز يا غبى , متخوفش الناس ممنا , خليك ناصح يا خروف
صالح : اعمل اية يعنى ؟
المرشد : انت شكلك غبى , اركح يا صالح وابعد عن التصريحات والندوات والتلفزيون اليومين دول , ولما نشكل الحكومة همسكك وزارة التعليم , بس اركح اليومين دول
صالح : بجد فضيلتك , انا شاكر ليك جدا يا فضيلتك
المرشد : السلام عليكم ورحمة الله وبركاته يا فلفط
_____________________________________________________________________
انتهت المكالمتان , ولعلك تلاخظ التقارب الشديد فى الفكر وطريقة العمل , جميعم يكن نوايا خفية يحاول ان يحقق هدفه بشكل او بأخر مشروع او غير مشروع , الاخوان او المجلس العسكرى
ولهذا حتى وان لم يتحالفا فهم يسلكون نفس الطريق متجاورين , وهو طريق الالتفاف على ارادة الشعب الذى طلب الحرية والعدالة , كلاهما يسلكون طريق اكل الثورة ووأدها , المجلس وعد مبارك وعداً عسكرياً الا يهان او يقدم لمحاكمة تنال منه او تسئ الى تاريخه السعكرى , وعده الا يذكر التاريخ ان مبارك خُلع بثورة , بل تنحى حينما تمكن منه المرض , وعده الا يكتب التاريخ ان عصر مبارك اتنهتى بثورة بل اتنفاضة حرامية من اجل الطعام كما قال السادات
اما الاخوان فهم يسعون الى البرلمان ومن ثم الى الحكم اياً كان السبب حتى لو اضطر المرشد ان يبيع الصيغه كلها , او ان يبيع الثورة ويقف فى صف المجلس الذى يقف فى صف مبارك , الاخوان يسعون الى السلطة اما من اجل السلطة او من اجل تطبيق شرع الله على هذا المجتمع الجاهل الكافر بزيعة الديمقراطية التى ستحشرهم الى داخل البرلمان
تقابل الاثنان فى نفس الطريق وتقابلت الافكار والعقول وعُقدت الصفقة الخبيثة فوق جثث الشهداء الطاهرة التى سقطت فى الميادين تطالب بالحرية وبمحاسبة الفاسدين وبمحاسبة من قتلهم , تقابل الاثنان واتفقا
وحين اتفق السلاح مع رجل الدين , ظهر تحالفاً قوياً يقنع اى مواطن بسيط او يرهبه حتى يقتنع ويخنع , الثورة تواجه تحالفاً قوياً يبطش بالجميع بيده المحاكمات العسكرية وبيده اداة اعلامية مؤثرة لدى البسطاء , وبيده المال والامن والامان والاستقرار – كما يدعى – بيده الدين , ورأى الله فى الامر , بيده كل شئ , يقف ويحارب شباب لا يحملون الا النقاء الثورى , ولا يفكرون الا فى مصلحة الوطن ودماء الشهداء التى سالت امامهم , لا طموح لهم سوى فى مستقبل كريم ووطن عزيز ابى له رأية ترفرف عالياَ يفخر بان يرفعها فوق رأسه
لم يكن فى بيتى علم قبل الثورة , رغم انى كنت احب مصر بنفس القدر وقتها , ولكنى بعد الثورة اشتريت واحداً وعلقته فى شرفتى ليرفرف امام جميع المارة فى طريق بيتنا , ليرى الجميع ان مصر فى قلبى , وليصبح بمثابة قسم لى ان تكون مصر امام عينى طوال حياتى , وليصبح ذريعة لهم حين يروه ان يتذكروا مصر دائماً ويفكرون فيها
واقسم بالله العظيم اننى لا اكتب كلمة ولا ابدى رأياً الا من اجل مصر , افكر فيها وحدها صافياً من الانتمائات والعقائد والمذاهب , وساسعى بكل جهدى والله من اجلها
فادى فتحى
2-7-2011
